हामी सबैकाे संसारन्यूज

काठमाडौं । प्रतिनिधिसभाको बैठक आज बस्दैछ । दिउँसो १ बजे बस्ने उक्त बैठकमा चारवटा अध्यादेश पेश गरिने कार्यसूचीमा जनाइएको छ ।

राष्ट्रपतिको कार्यालयको पत्र सभामुखले राष्ट्रपतिको कार्यालयबाट प्राप्त कार्यभार तोकिएको सम्बन्धी पत्रको व्यहोरा पढेर सुनाउने कार्य सूचीमा जनाइएको छ ।

संसद सचिवालयद्धारा जारी सूचना अनुसार गृहमन्त्री बालकृष्ण खाणद्धारा ‘तेजाव तथा अन्य घातक रासायनिक पदार्थ (नियमन) अध्यादेश, २०७८, ‘सामाजिक सुरक्षा (पहिलो संशोधन) अध्यादेश, २०७८, तथा ‘सामाजिक सुरक्षा (पहिलो संशोधन) अध्यादेश, २०७८ लाई स्वीकृत गरियोस’ भन्ने तीन अध्यादेश पेश गर्ने कार्यसूचीमा रहेको छ ।

त्यस्तै भौतिक पूर्वाधार तथा यातायात मन्त्री रेनुकुमारी यादवले ‘रेल्वे अध्यादेश, २०७८ लाई स्वीकृत गरियोस्’ भनी प्रस्ताव पेश गर्ने बताइएको छ ।

सासंद प्रेम सुवालले यी चारवटै अध्यादेशलाई अस्वीकार गरियोस् भन्ने बारेमा सूचना प्रस्तुत गर्ने बताइएको छ ।