Sansar News
कर्पोरेट डेभलपमेन्ट बैंक लिमिटेडले माघ ७ गतेदेखि १०० रुपैयाँ अंकित दरका ३० करोड रुपैयाँ बराबरको ३० लाख कित्ता हकप्रद शेयर निष्काशन गर्ने भएको छ । हकप्रद बैंकले हाल कायम १ कित्ता शेयर बराबर नयाँ १.५ कित्ता शेयरको अनुपातमा हकप्रद शेयर निष्काशन गर्न लागेको हो ।
हकप्रद निष्काशनका लागि बैंकले पुस २५ गते बुकक्लोज गर्दैछ । यसअनुसार पुस २२ गतेसम्म नेप्सेमा कारोबार भइ कायम यस बैंकका शेयरधनीहरुले मात्र उक्त हकप्रदमा आवेदन दिन सक्नेछन् ।
बैंकको हकप्रद शेयरको बिक्री प्रबन्धक सिभिल क्यापिटल मार्केट लिमिटेड रहेको छ । हकप्रदमा सिभिल क्यापिटल तथा कर्पोरेट डेभलपमेन्ट बैंकका रजिष्टर्ड तथा सम्पूर्ण शाखा कार्यालयबाट आवेदन दिन सकिनेछ । साथै धितोपत्र बोर्डबाट आश्वा अनुमति प्राप्त बैंक तथा वित्तीय संस्थाका अथवा मेरोशेयर सफ्टवेयर मार्फत पनि लगानीकर्ताले आवेदन दिन सक्नेछन ।
वि.सं.२०७८ पुस १८ आइतवार १०:३१ मा प्रकाशित
