Sansar News
काठमाडौं । सत्तारुढ गठबन्धन दलका शिर्ष नेतृत्वहरुको बैठक आज बिहान बालुवाटारमा बस्दैछ ।
आगामी माघ १२ गते हुने राष्ट्रिय सभा निर्वाचनमा साझा उम्मेदवार बनाउने विषयमा छलफल गर्न प्रधानमन्त्री निवास वालुवाटारमा गठबन्धनको बैठक बस्न लागेको बताइएको छ ।
सत्तारुढ गठबन्धनले राष्ट्रिसभाको निर्वाचनमा साझा उम्मेदवार बनाएर एमालेविरुद्ध मोर्चाबन्दी गरेर जाने तयारीमा रहेका छन् ।
आगामी निर्वाचनमा सत्तारुढ गठबन्धन दलहरु नेपाली कांग्रेस, माओवादी, एकीकृत समाजवादी र जसपा गठबन्धनले साझा उम्मेदवार बनाएर जाने बताइएको छ ।
निर्वाचन आयोगले जारी गरेको तालिका अनुसार यही पुस २० गते (मंगलबार) राष्ट्रिय सभा निर्वाचनका लागि उम्मेदवारी दर्ता गर्ने कार्यक्रम रहेको छ ।
यहि फागुनदेखि एमालेका ८, माओवादी केन्द्रका ४, नेकपा एकीकृत समाजवादीका ४, कांग्रेसबाट ३ र मनोनीत एकजना गरी २० सांसदको कार्यकाल सकिने भएको छ । २० मध्ये १९ सिटका लागि ७ वटै प्रदेशमा राष्ट्रियसभा निर्वाचन हुनेछ भने १ मनोनित हुनेछन् । file photo
वि.सं.२०७८ पुस १९ सोमवार ०९:०९ मा प्रकाशित
