Sansar News
काठमाडौं । नेपाली कांग्रेसका सभापति शेर बहादुर देउवाले जीवन बहादुर शाही, प्रदीप पौडेल र कल्याण गुरुङलाई कांग्रेसको केन्द्रीय सदस्यमा मनोनित गरेका छन् ।
सभापति देउवाले आइतवार साही, पौडेल र गुरुङलाई केन्द्रीय सदस्यमा मनोनित गरेको कांग्रेसका मुख्यसचिव कृष्ण प्रसाद पौडेलले जानकारी दिएका छन् ।
केन्द्रीय सदस्यमा मनोनित कर्णालीका मुख्यमन्त्री समेत रहेका साही सहमहामन्त्रीमा, पौडेल महामन्त्री र कल्याण गुरुङ सभापतिमा पराजित भएका थिए । पहिलो चरणमा देउवाविरुद्ध सभापतिको उममेदवारी दिएका गुरुङले दोस्रो चरणमा भने देउवालाई सहयोग गरेका थिए । पौडेल र साही भने देउवा समूहबाटै उम्मेदवारी दिएका थिए ।
यसअघि शनिवार नेता रामचन्द्र पौडेलसहित १० जनालाई केन्द्रीय सदस्यमा मनोनित गरेका देउवाले आइतवार थप तीनजनालाई मनोनित गरेका हुन् । नेपाली कांग्रेसको विधान अनुसार नवनिर्वातित सभापतिले ३३ जना केन्द्रीय सदस्य मनोनित गर्न पाउनेछन् ।
यी हुन् कांग्रेस सभापति देउवाले मनोनित गरेका पौडेलसहित १० केन्द्रीय सदस्य
वि.सं.२०७८ पुस १९ सोमवार ०९:२४ मा प्रकाशित
