Sansar News
काठमाडौं । नेपाली कांग्रेसको केन्द्रीय समितिको बैठक सानेपास्थित मुख्यालयमा बस्दैछ ।
कांग्रेसका मुख्यसचिव कृष्णप्रसाद पौडेललेका अनुसार १४ औं महाधिवेशन सम्पन्न भएपछिको केन्द्रीय समितिको यो बैठक दोस्रो हो । बैठक दिउसो २ बजे बस्ने भएको हो ।
बैठकमा आगामी माघ १२ गते हुने राष्ट्रिय सभा निर्वाचन, समसामयिक राजनीतिक, केन्द्रीय सदस्य मनोनित लगायतका विषयमा छलफल हुने बताइएको छ ।
राष्ट्रियसभाका लागि उम्मेदवार तय गर्न संसदीय बोर्ड समेत बनाइसकेको नेपाली कांग्रेसले उम्मेदवार तय भने गरिसकेको छैन । साथै सत्तारुढ गठबन्धनका दलले पनि गठबन्धनका तर्फबाट साझा उम्मेदवार बनाएर जाने विषयमा छलफल गरिरहेका छन् ।
सोहि विषयमा प्रधानमन्त्री निवास बालुवाटारमा सोवार बिहान गठबन्धन दलका शिर्ष नेतृत्वको बैठक बस्ने भएको हो ।
यहि फागुनदेखि एमालेका ८, माओवादी केन्द्रका ४, नेकपा एकीकृत समाजवादीका ४, कांग्रेसबाट ३ र मनोनीत एकजना गरी २० सांसदको कार्यकाल सकिने भएको छ । २० मध्ये १९ सिटका लागि ७ वटै प्रदेशमा राष्ट्रियसभा निर्वाचन हुनेछ भने १ मनोनित हुनेछन् ।
वि.सं.२०७८ पुस १९ सोमवार ०९:३८ मा प्रकाशित
