Sansar News
काठमाडौं । नेकपा (माओवादी केन्द्र)को अध्यक्ष पुष्पकमल दाहाल ‘प्रचण्ड’ निर्विरोध चयन भएका छन् । सोमबार बसेको केन्द्रीय समिति बैठकले प्रचण्डलाई निर्विरोध चयन गर्ने निर्णय गरेको हो ।
आठौं महाधिवेशनले चयन गरेको केन्द्रीय समितिको पहिलो बैठकमा नेता नारायणकाजी श्रेष्ठले पार्टी अध्यक्ष प्रचण्डको नाम प्रस्ताव गरेका थिए भने नेता कृष्णबहादुर महराले समर्थन गरेका थिए ।
अन्य कसैको दाबी विरोध नपरेसँगै बैठकको अध्यक्षता गरेका जेष्ठ सदस्य नेता दिनानाथ शर्माले प्रचण्ड निर्विरोध निर्वाचित भएको घोषणा गरे ।
वि.सं.२०७८ पुस १९ सोमवार १७:१२ मा प्रकाशित
