हामी सबैकाे संसारन्यूज

अमेरिका । अमेरिकाका विभिन्न राज्यमा आयोजित सांगीतिक कार्यक्रम भागलिन पुगेका चर्चित गायक राजेश पायल राईमाथि आक्रमण भएको घटना बाहिरीएको छ ।

डिसेम्बर ३१ का दिन न्युयोर्कको क्वीन्स प्लेस हलमा बुद्ध ट्याक्स एकाउन्टिङका संस्थापक पशुपति श्रेष्ठको आयोजनामा भएको सांगीतिक कार्यक्रममा हलमै आएर गायक राईमाथि एक व्यक्तिले आक्रमण गरेको भिडियो सामाजिक संजालमा भाइरल भएको थियो ।

गायक राईमाथि आक्रमण भएको भन्दै त्यसको चौतर्फि विरोध र आक्रमणकारीलाई कारबाहीको माग समेत गरिएको थियो ।

आक्रमण गरेका शेर्पाले माफी मागे
राईमाथि भएको आक्रमणको चौतर्फि विरोध भएपछि आयोजक संस्था, आक्रमणकर्ता र स्वयम् गायक राईले नै एक भिडियो मार्फत् घटनाका बारेमा बताएका छन् ।

सोलुखुम्बु खरिखोलवा घर भइ हाल न्युर्योकको एक रेष्टुरेण्टमा कार्यरत दावा शेर्पाले स्टेजमै पुगेर राईमाथि आक्रमण गरेको भिडियो सार्बजनिक भएपछि शेर्पाले आफु राजेश पायल राईको फ्यान रहेका कारणले अंगालो हाल्दा अलि बढी ऐग्रेशिभ भएका कारण त्यस्तो घटना घटेको बताएका छन् ।

भिडियोमा उनले भनेका छन्–म उहाँको सो मा गएको थिए । म उहाँको एकदम बेस्ट फ्रेन्ड भएकाले उहाँलाई स्टेजमै गएर उचालेका थिए । भिडियो भाइरल भएछ । म अलि ऐग्रसिभ भएर न्यु एयरका दिन अलिकति लागिसकेको थियो । स्टेजमै गएर यस्तो गर्दा उहाँलाई अलिकति डिस्टर्व गरेजस्तो पनि भयो । म उहाँसँग माफी पनि माग्छु ।’ शेर्पाले राईलाई खादा लगाइदिएर माफी मागेका थिए ।

उहाँले माफी माग्नु भयो मैले दिइसके
सोहि भिडियोमा सँगै रहेका गायक राईले देशविदेशबाट आफ्ना बारेमा चासो राखेको भन्दै आक्रमणकर्ता शेर्पाले आफै भेटेर माफी मागेको हुनाले आफ्नो धर्ममा माफीदिनु ठूलो कुरारहेको बताए । उनले आफ्ले नेपाली गीत संगितलाई अन्तराष्ट्रिय क्षेत्रमा प्रतिस्प्रर्धा गर्न सक्ने खालको संगीत उत्पादन गर्ने रहेको बताएका थिए ।
‘उहाँले यसप्रति माफी मागीसक्नु भएको छ । मैले माफी दिइसकेको छु । मेरा शुभचिन्तक पत्रकार लगायत सबैमा हामीहरु मिलिसकेको जानकारी गराउन चाहान्छु ।’ गायक राइले भनेका छन् ।