हामी सबैकाे संसारन्यूज

काठमाडौं  । गायक राजेश बर्देवा र गायिका क्रिस्टिना अधिकारीको आवाजमा रहेको नयाँ गीत “चाहिदैन सम्पत्ति” सार्वजनिक भएको छ। राजेश बर्देवाकै शब्द तथा संगीत रहेको उक्त गीतलाई एच.बि.एन. किस्मतले एरेन्ज गरेका हुन् भने स्टुडियो वान डीबीमा रेकर्ड गरिएको हो।

गीतको भिडियोतर्फ चलचित्र अभिनेता पुष्प खड्का र डान्सर तथा मोडल सृष्टिना क्षेत्रीले अभिनय तथा नृत्य प्रस्तुत गरेका छन्। भिडियोमा उनीहरूको केमेस्ट्री र प्रस्तुति आकर्षक देखिन्छ।

रुपेश थापाले छायांकन गरेको भिडियोमा मिलन बिकको सम्पादन रहेको छ। निर्देशन तथा कोरियोग्राफी मौसम हिमालीले गरेका छन्।

उक्त गीत तथा भिडियो गायक राजेश बर्देवाको अफिसियल युट्युब च्यानलमार्फत सार्वजनिक गरिएको हो। फ्रान्समा रहेका टिका अधिकारीले आफ्नी छोरीलाई जन्मदिनको उपहारस्वरूप यो गीत निर्माण गराएको बताइएको छ।