Sansar News
काठमाण्डौं । काठमाण्डौंको बौद्धमा एउटै कोठाभित्र युवक र युवती मृत भेटिएका छन् ।
बौद्धको फैकास्थित राधाकुष्ण मन्दि नजिकको एक घरमा संखुवासभाका २६ वर्षीय अमिश जिमी र खोटाङकी युसिना राई मृत अवस्थामा भेटिएको प्रहरीले जनाएको छ ।
उनीहरु एउटै घरमा डेरामा बस्दै आएका थिए । प्रहरीका अनुसार युवतीको शरिरमा धारिलो हतियारले काटेको अवस्थामा शव भेटिएको र युवकको पनि घाँटीमा चक्कुले रेटेको पाइएको छ ।
विहीवार राति १२ बजेतिर घटेको उक्त घटनाको प्रहरीले अनुसन्धान गरिरहेको जनाएको छ । प्रहरी घटनास्थलमा पुग्दा युवतीको मृत्यु भइसकेको र युवकको सास चलिरहेको पाइएपछि चावहिल चोकको हेल्पिङ हेण्ड्स अस्पतालमा उपचारका लागि लगिएको र त्यहि उनको मृत्यु भएको बताइएको छ ।
वि.सं.२०७८ पुस २३ शुक्रवार ०९:०५ मा प्रकाशित
