हामी सबैकाे संसारन्यूज

काठमाडौं । एकपछि अर्को गर्दै कोरोना भाइरसको नयाँ भेरियन्ट विश्वका विभिन्न देशमा देखिन थालेको छ। ओमिक्रोनको प्रकोप चलिरहेकै बेला विश्वका विभिन्न मुलुकमा ‘डेल्टाक्रोन’ नामको नयाँ भेरियन्ट देखिन थालेको हो ।

विश्व स्वास्थ्य संघको एक रिपोर्टअनुसार युरोपेली मुलुक साइप्रसमा कोरोनाको नयाँ भेरियन्ट डेल्टाक्रोन देखा परेको छ। जेरुसेलम पोष्टले साइप्रस मेललाई उद्धृत गर्दै जारी गरेको रिपोर्टअनुसार डेल्टाक्रोनको आनुवंशिक पृष्ठभूमि डेल्टा भेरियन्टसँग मिल्दोजुल्दो छन् । साथै ओमिक्रोनमा देखिएका केही स्वभाव पनि डेल्टाक्रोनमा देखिएका छन् ।

ओमिक्रोनका संक्रमित भनि अस्पताल भर्ना भएका केहीमा त्यस्तो संक्रमण देखिएको हो । साइप्रस विश्वविद्यालयको बायोटेक्नोलोजी र आणविक भाइरोलोजी प्रयोगशालाका प्रमुख डा लियोनडियोस कोस्ट्रिकिसले अस्पतालमा भर्ना भएका बिरामीहरूमा म्यूटेशनको समस्या उच्च रहेको बताए।

चिकित्सकहरुले भने यसलाई धेरै चिन्ताको विषय बनाउन नहुने बताएका छन् । उनीहरुले नयाँ–नयाँ भेरियन्टको विकास हुनु स्वभाविक भएको बताएका छन् । एजेन्सीबाट