Sansar News
काठमाडौं । वामपन्थी नेता भक्त बहादुर श्रेष्ठको ११ औं स्मृति दिवस मनाइएको छ ।
पुष्पलाल अध्ययन समाजको केन्द्रीय कार्यालय काठमाण्डौमा भक्तवहादुरको स्मरण गरिएको हो ।
पुष्पलाल अध्ययन समाजद्धारा आयोजित स्मृति सभामा सो समाजका अध्यक्ष लोककृष्ण भट्टराईले भक्त बहादुर असल राजनीतिज्ञ भएको बताए भने उपाध्यक्ष नारायण शर्माले निष्ठावान र इमान्दार क्रान्तिकारी नेता भएको बताएका थिए ।
कार्यक्रममा उपाध्यक्ष मोहन बहादुर केसी र महासचिव सुरेश कार्कीले श्रेष्ठको योगदान बारे चर्चा गरेका थिए ।
कार्यक्रम संचालक नीलकण्ठ तिवारीले माओवादका व्याख्याता श्रेष्ठ बैचारिक र दार्शनिक नेता भएको बताएका थिए । सो कार्यक्रममा सचिव भरत गौतम र चन्दा थापाले समेत भक्तवहादुरका बारेमा बुझाइ संप्रेषण गरेका थिए ।
वि.सं.२०७८ पुस २७ मंगलवार १५:०७ मा प्रकाशित
