हामी सबैकाे संसारन्यूज

परासी । कर्मचारीहरुमा कोराना संक्रमण देखिएपछि जिल्ला प्रशासन कार्यालय नवलपरासी पश्चिमको सेवा प्रवाह एक हप्ताका लागि स्थगित गरिएको छ । अधिकृतसहित २ जना कर्मचारीमा कोरोना पुष्टि भएपछि अत्यावश्यक काम बाहेक अन्य सेवा स्थगित गरिएको प्रमुख जिल्ला अधिकारी धर्मेन्द्रकुमार मिश्रद्धारा जारी सूचनामा उल्लेख छ ।

जनाइएअनुसार आगामी माघ ९ गतेसम्मका लागि अत्यावश्यक बाहेकका सेवाहरू बन्द गरिएको हो । कार्यालयबाट प्रदान गरिने नागरिकता, नागरिकताको प्रतिलिपि, पासपोर्ट र राष्ट्रिय परिचय पत्रका कामहरू यस अवधिमा बन्द हुनेछन् ।

पछिल्लो पटक नवलपरासीमा कोरोना संक्रमण दर उच्च देखिएकाे छ। १५ दिनअघि शून्यजस्तै रहेको जिल्लामा अहिले दैनिक १० देखि १२ जनामा संक्रमण देखिन थालेकाे जनाइएकाे छ ।