हामी सबैकाे संसारन्यूज

काठमाडौं । राष्ट्रिय वाणिज्य बैंकले ल्यायो ५७ औं बार्षिकोत्सवको अवसरमा विभिन्न अफर ल्याएको छ ।

यहि माघ १० गतेबाट ५७ वर्षमा प्रवेश गर्न लागेको बैंकले आफ्ना ग्राहकहरुलाई लक्षित गर्दै मोबाइल बैंकिङ, कार्ड, लकर सेवा, डिम्याट रजिष्ट्रेशन लगायतका सेवामा लाग्ने शुल्कमा छुट गर्ने भएको हो ।

माघ १ गतेदेखि चैत मसान्तसम्म लागु हुने गरि ल्याइएको उक्त अफरमा राष्ट्रिय बाणिज्य बैंकका ग्राहकहरुले मोबाइल बैंकिङ, कार्ड, लकर सेवा, डिम्याट रजिष्ट्रेशन लगायतका सेवामा लाग्ने शुल्कमा ५० प्रतिशत छुट पाउने भएका हुन् ।

उक्त अफर अनुसार डिम्याट खाता खोल्दा १०० प्रतिशत छुट दिने निर्णय गरेको समेत बैंकले जनाएको छ ।

देशका ७७ वटै जिल्लामा २५७ वटाम शाखा कार्यालय खोलेर बैंकिङ सुविधा दिइरहेको बैंकले २४१ वटा एटिएम र ९८ वटा शाखारहित बैंकिङ सेवा दिइरहेको जनाएको छ ।