हामी सबैकाे संसारन्यूज

काठमाडौं । गठबन्धनको भविष्यबारे चर्चा भइरहेका बेला सत्तारुढ नेपाली कांग्रेसभित्र गठबन्धनलाई लिएर विभाजन देखिएको छ । संस्थापन पक्ष गठबन्धनलाई जोगाउने अडानमा देखिएको छ भने शेखर कोइराला पक्ष गठबन्धन कांग्रेसका निम्ति नै घातक हुने निष्कर्षमा पुगेको छ ।

कोइराला पक्षले गठबन्धनलाई निरन्तरता दिए आगामी निर्वाचन पनि कांग्रेसको निम्ति अनुकुल नहुने निष्कर्ष निकालेको छ । कोइराला पक्ष पछिल्लो राजनीतिक उतार चढावको घटनाले राजनीतिक माहोल कांग्रेसको पक्षमा देखिएको निष्कर्ष निकाल्दै गठबन्धनलाई कायमै राख्न खोज्दा क्षति मात्रै हुने निष्कर्षमा पुगेको हो । कांग्रेस स्वतन्त्र हिसाबले अघि बढ्न सम्भव रहेको निष्कर्ष निकाल्दै कोइराला पक्षले माओवादी र एकीकृत समाजवादीको भारी बोक्न नहुने बताएको छ ।

सभापति शेरबहादुर देउवा नेतृत्वको पक्ष भने आगामी संसदीय निर्वाचनसम्मै गठबन्धन कायम राखेर जानुपर्ने अडानमा देखिएको छ । देउवा पक्षको गठबन्धनबारेको निष्कर्षमा रामचन्द्र पौडेल र उनको पक्षमा देखिएका नेताहरु पनि सहमत देखिएका छन् ।

तर, सभापति शेरबहादुर देउवा नेतृत्वको पक्ष भने आगामी संसदीय निर्वाचनसम्मै गठबन्धन कायम राखेर जानुपर्ने अडानमा देखिएको छ । देउवा पक्षको गठबन्धनबारेको निष्कर्षमा रामचन्द्र पौडेल र उनको पक्षमा देखिएका नेताहरु पनि सहमत देखिएका छन् । पौडेलले आगामी चुनावमा सबै ठाउँमा नभई आवश्यक ठाउँमा मात्रै गठबन्धन बनाएर जानुपर्ने भनाई राखेका छन् ।

तर, एमसीसीले गठबन्धनबारेको बुझाईमा बिचनल

देउवा पक्ष गठबन्धनलाई कायमै राख्नुपर्ने बुझाइमा छ । तर, एमसीसीको विषयले भने देउवा पक्षलाई केही सकस बनाएको छ ।

देउवा एमसीसीलाई जसरी पनि पारित गर्ने अडानमा देखिएका छन् । शनिबारको गठबन्धनको बैठकमा देउवाले “गठबन्धन भाँडिए पनि भाँडियोस् तर, एमसीसी अगाडि बढ्न पर्छ” भन्ने धारणा राखेका थिए । एमसीसीमा सबै दल स्वतन्त्र हिसाबले जानुपर्ने बताइरहेका देउवाले शनिबारको बैठकमा आक्रामक रुपमा गठबन्धनलाई महत्व दिइरहन नसक्ने बताएको विषय बाहिरिएको छ । जसले देउवाको बुझाई बिचलन आएको देखिन्छ ।

तर, अनौठो विषय गठबन्धनको आवश्यकता नरहेको निष्कर्ष निकालेको कोइराला पक्ष भने एमसीसीको बारेमा संशोधनसहित पारित गर्नुपर्ने अडानमा छ । कोइराला पक्षीय नेता गगन थापाले एमसीसीमाथि उठेका प्रश्नहरुलाई सुधारेर मात्रै जानुपर्ने धारणा राखेका छन् ।