Sansar News
पोखरा । गण्डकी प्रदेशमा आज १२३ जना थप कोरोना संक्रमित थपिएका छन् ।
प्रदेशको स्वास्थ्य निर्देशनालयका अनुसार आज गोरखामा ४, मुस्ताङमा ७, म्याग्दीमा ११, कास्कीमा ६७, लम्जुङमा ३, तनहुँमा ३, नवलपरासीपूर्वमा ६, स्याङजामा १३, पर्वतमा ६ र बाग्लुङमा ३ गरी १२३ जना संक्रमित थपिएका हुन् ।
आज थपिएका १२३ जनासँगै प्रदेशमा हालसम्म १ लाख ६१५ जना संक्रमित भइसकेका छन् । ती मध्ये ९५ हजार २५२ जना निको भइसकेका छन् । साथै हाल ३,९२० सक्रिय संक्रमितमा ३८६० जना होम आइसोलेशनमा रहेका छन् ।
त्यसैगरी प्रदेशमा हालसम्म १२४३ जनाको कोरोना संक्रमणबाट ज्यान गएको पनि निर्देशनालयले जनाएको छ ।
वि.सं.२०७८ माघ २२ शनिवार १८:०७ मा प्रकाशित
