Sansar News
काठमाडौं । नेपालमा आज १,७१४ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एन्टिजेन र पिसीआर विधिबाट गरिएको ८ हजार ५१३ नमुना परीक्षणमा १७१४ जना संक्रमित थपिएका हु्न् ।
आज थपिएका १७१४ जनासँगै नेपालमा हालसम्म कोरोना संक्रमित हुनेको संख्या १० लाख ९८ हजार ३९ पुगेको छ ।
आज काठमाडौंमा ३१६, ललितपुरमा १०४ र भक्तपुरमा ४३ जना गरी उपत्यकामा ४६३ जना संक्रमित थपिएका हुन् । शुक्रवारको तुलनामा उपत्यकामा शनिवार संक्रमितको संख्यामा कमी आएको छ ।
त्यसैगरी पछिल्लो २४ घण्टामा ४७७१ जना कोरोना संक्रमणबाट मुक्त भएका छन् । आज निको भएका ४,७७१ जनासँगै नेपालमा कोरोनाबाट मुक्त हुनेको संख्या ८ लाख ९५ हजार ८६८ पुगेको छ । कूल संक्रमित हुनेमध्ये निको हुनेको यो संख्या ९३.३ प्रतिशत हो ।
नेपालमा पछिल्लो २४ घण्टामा ९ जना कोरोना संक्रमितको मृत्यु भएको छ । आज थपिएका ९ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ८०३ पुगेको छ ।
त्यसैगरी हाल देशैभरी ५२ हजार ७८० जना सक्रिय संक्रमित रहेका छन् । ती मध्ये होम आइसोलेशनमा ५१ हजार ४३४ जना र संस्थागत आइसोलेशनमा १३४६ रहेका छन् । ती मध्ये आइसीयुमा २५१ र भेन्टिलेटरमा ४९ जनाको उपचार भइरहेको छ । शुक्रवारको तुलनामा भेन्टिलेटर र आइसीयुमा उपचार गराउनेको संख्या पनि घटेको छ ।
नेपालमा पछिल्लो २४ घण्टामा ५ लाख ८८ हजार ४४० जनामा कोरोना भाइरसविरुद्धको खोप लगाइएका छन् ।
नेपालमा हालसम्म ३ करोड ३८ लाख २६ हजार ३३० मात्रा कोरोना भाइरसविद्धको खोप लगाइएको छ । ती मध्ये १ करोड ७७ लाख ४० हजार ८३५ जनाले पहिलो मात्रा र १ दुवै मात्रा लगाउनेको संख्या १ करोड, ५४ लाख ८२ हजार ८७ पुगेको छ । साथै ६ लाख ३ हजार ४०८ जनामा अतिरिक्त मात्राको खोप लगाइएको पनि मन्त्रालयले जानकारी दिएको छ।
वि.सं.२०७८ माघ २२ शनिवार १७:४४ मा प्रकाशित
