हामी सबैकाे संसारन्यूज

काठमाडौं । काठमाडौंको चन्द्रागिरीमा हिँउ खेल्न जाने क्रममा हराएका पाँचजनाको प्रहरीले सकुशल उद्धार गरेको छ ।

आइतवार चन्द्रागिरीमा हिउँ खेल्न गएका उनीहरु रातिसम्म नफर्किएपछि खोजी गर्दा जंगलमा सकुसल अवस्थामा फेला परेको महानगरीय प्रहरी वृत्त थानकोटले जनाएको छ ।

आइतवार हिउँ खेल्न जाने क्रममा महादेवस्थानकी २३ वर्षीया रिता गुरूङ, १५ वर्षीया सौभाग्य गुरूङ, १३ वर्षे सहज गुरूङ, ११ वर्षकी जेनिसा गुरूङ र ७ वर्षीया एनवीन गुरूङ हराएका थिए ।

हिँउ खेल्न गएका उनीहरु आइतवार साँझसम्म नफर्किएपछि परिवारले प्रहरीलाई खबर गरेको थियो । प्रहरी नायव उपरीक्षक डिल्ली नारायण पाण्डेय र महानगरीय प्रहरी कार्यालय भृकृटी मण्डपबाट खटिएको टोलीले पाँच घण्टा खोजी गरी राति चन्द्रागिरी जंगलबाट १ः१५ मा उनीहरुलाई सकुशल उद्धार गर्न सफल भएको हो । file photo