हामी सबैकाे संसारन्यूज

काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले परीक्षा आवेदन फारम भर्ने सम्बन्धी जरुरी सूचना जारी गरेको छ ।

कार्यालयले मंगलवार एक सूचना जारी गर्दै त्रिविका विभिन्न संकाय र अध्ययन संस्थान अन्तर्गत २०७७ सालमा स्नातकतहमा भर्ना भई २०७८ सालको प्रथम परीक्षामा सहभागी हुने परीक्षार्थीहरुको रजिष्ट्रेशन तथा परीक्षा आवेदन फारम भर्ने समय कोभिडका कारणले परिमार्जन गरिएको जनाएको छ ।

उक्त फारम भर्ने अवधि २०७८/१०/२५ गतेसम्म कायम गरिएकोमा अझै पनि दैनिक रुपमा नयाँ रजिष्ट्रेशनको लागि परीक्षार्थीको आवेदन फारम निरन्तर आइरहेकाले केही क्याम्पसका परीक्षा आवेदन फारम इन्ट्री गर्न समस्या भएका कारण परीक्षा आवेदन फारम इन्ट्री गर्न २ दिन समय थप गरिएको सूचनामा जनाइएको छ ।