हामी सबैकाे संसारन्यूज

२७ माघ, काठमाडौँ । भारत र वेस्टइंडिज बिचको दोस्रो एकदिवसीयमा भारतले ४४ रनले जित हासिल गरेको छ ।

टस हारेर पहिले ब्याटिङ्ग गरेको भारतले ५० ओभरमा ९ विकेट गुमाएर २३७ रन बनाएको थियो । भारतका लागि ब्याटिङ्गमा सूर्याकुमार यादवले सर्वाधिक ६४ रन बनाएका थिए भने वेस्टइंडिजका लागि बलिङ्गमा ओडियन स्मिथ र अल्जारी जोसेफले सर्वाधिक २/२ विकेट हात पारेका थिए ।

२३८ रनको लक्ष्य पछाएको वेस्टइंडिजको टिम ४६ ओभरमा १९३ रन बनाएर अलआउट हुन पुगेको थियो । वेस्टइंडिजका लािग ६ खेलाडीले मात्र दोहोरो अकंमा रन जोड्न सफल भएका थिए । । वेस्टइंडिजका लागि शाई होपले २७ , ब्रान्डन किंगले १८ ,शमारह ब्रुक्सले ४४, अकेल होसेनले ३४, फेबियन एलेनले १३ र फेबियन एलेन २४ रन बनाएका थिए । भारतका लागि बलिङ्गमा प्रसिद्ध कृष्णले ९ ओभरमा १२ रन खर्चेर सर्वाधिक ४ विकेट हात पारेका थिए । त्यसैगरी सार्दुल ठाकुरले २ र मोहम्द सिराज, युजवेन्द्र चाहल, वाशिंगटन सुन्दर र दिपक हुड्डाले समान १/१ विकेट लिएका थिए ।

जितसँगै भारतले ३ खेलको एकदिवसीय श्रृखला १ खेल बाँकी रहदैँ आफ्नो नाममा गरेको छ ।