हामी सबैकाे संसारन्यूज

काठमाडौं । नेकपा (एमाले)का अध्यक्ष केपी शर्मा ओलीले आगामी चुनावमा धाँधली गरेर जित्न नदिने बताएका छन् । शुक्रबार एमालेको स्थानीय तह निर्वाचन प्रशिक्षण तथा अभिमुखीकरण कार्यक्रमलाई सम्बोधन गर्दै उनले यस्तो बताएका हुन् ।

“हामी कसैलाई निर्वाचनबाट भाग्न दिने छेनौ, मतपत्र च्यातेर र बत्ति निभाएर जित्ने सपना नदेखे हुन्छ”, ओलीले भने ।

उनले आगामी चुनावमा एमालेले एक्लैले बहुमत ल्याउने दाबी गरे । ओलीले चुनावबाट कसैलाई भाग्न नदिइने बताए ।

“एमालेको बर्चस्व यिनीहरुलाई बिझाइरहेको छ, अब आउँदो निर्वाचनमा बहुमत जित्छौ, के गर्लान् विचराहरु !”, ओलीले भने, “म भन्न चाहान्छु, भाग्न उम्किने ठाउँ छ भने खोजे हुन्छ, आउने संघीय र प्रदेश निर्वाचनमा पनि बहुमत ल्याउँछौ ।”