Sansar News
काठमाडौं । प्रधानन्यायाधीश चोलेन्द्र शमशेर राणा स्वतः निलम्बनमा परेसँगै वरिष्ठ न्यायाधीश दीपककुमार कार्की कायम मुकामय प्रधानन्यायाधीश बन्ने भएका छन् । न्यायाधीशहरुको वरिष्ठताका आधारमा कार्कीले कायम मुकायमको जिम्मेवारी पाउन लागेका हुन् ।
कार्की उमेद हदका कारण आगामी असोजमा स्वतः अवकाशमा जाँदैछन् । यदि राणाविरुद्व महाभियोग दर्ता नभएको भए कार्की राणा अगावै स्वतः अवकाशमा जान्थे । उमेर हदले राणा आगामी मंसिरसम्म प्रधानन्यायाधीश हुन पाउँथे । तर, महाभियोग दर्ता भएसँगै कार्कीलाई कायममुकामय प्रधानन्यायाधीशको जिम्मेवारी पाएका हुन् ।
आइतबार सत्तारुढ गठबन्धनका ९८ सांसदले प्रधानन्यायाधीश राणाविरुद्व महाभियोग दर्ता गराएका थिए । महाभियोग दर्ता भएसँगै संवैधानिक व्यवस्थाअनुसार राणा स्वतः निलम्बनमा परेका छन् । महाभियोग प्रस्तावमाथि टुंगो नलागेसम्म उनले कुनै कारबाही गर्न पाउँदैनन् ।
सम्बन्धित समाचार
९८ सांसदको हस्ताक्षरसहित प्रधानन्यायाधीश राणाविरुद्व महाभियोग दर्ता
प्रधानन्यायाधीश राणा स्वतः निलम्बनमा, यस्तो छ संवैधानिक व्यवस्था
प्रधानन्यायाधीश राणाविरुद्व महाभियोग किन ? यस्ता छन् दलहरुले देखाएका २१ कारण (पूर्णंपाठसहित)
वि.सं.२०७८ फागुन १ आइतवार १४:०२ मा प्रकाशित
