हामी सबैकाे संसारन्यूज

काठमाडौं । नेत्र विक्रम चन्द ‘विप्लव’ नेतृत्वको नेकपाले एमसीसीको विरुद्धमा मत दिन भन्दै सांसदहरुलाई पत्र पठाएको छ ।

एमसीसी सम्झौताका विषयमा ठूला दल र तिनका नेताहरुले खेलेको भूमिकाले जनतालाई निराश बनाएको बताएको भन्दै एमसीसी सम्झौताका कारण देश राष्ट्रिय र गृहयुद्धतिर धकेलिने हुँदा यस्तो प्रकारको क्षति हुनबाट बचाउन सांसदहरुको महत्वपूर्ण भूमिका हुने पत्रमा लेखिएको छ ।

‘तपाईलाई जनताले जुन विश्वस र भरोसाका साथ आफ्नो अमूल्य मत जाहेर गरेका छन्, त्यसको सहि कदर गर्नुहुनेछ । एमसीसी जस्तो राष्ट्रघाती विषयमा तपाईँ दुविधामा पर्नुहुने छैन,’ सो पार्टीद्धारा लेखिएको पत्रमा भनिएको छ, ‘एमसीसीले देशलाई राष्ट्रिय युद्ध र गृहयुद्धमा धकेल्ने छ । यसबाट नेपाली र नेपालले ठूलो जनधनको क्षति बेहोर्नुपर्ने अनिवार्य छ । यस्तो प्रकारको क्षति हुनबाट देशलाई बचाउन तपाईहरुको महत्वपूर्ण र निर्णायक भूमिका रहनेछ । तर्सथ एमसीसी सम्झौताको विपक्षमा यहाँको मत रहनेछ भन्ने आम जनता विस्वस्त छ ।’