हामी सबैकाे संसारन्यूज

काठमाडौं । एमसीसी टेबल गर्ने निर्णयप्रति कार्यव्यवस्था परामर्श समितिको बैठकमा नेकपा (माओवादी केन्द्र)ले लिखित असहमति राखेको छ । कार्यव्यवस्था समितिको बैठकमा माओवादी केन्द्रका प्रमुख सचेतक देव गुरुङ, सांसद जयपुरी घर्ती र रेखा शर्माले सभामुखसँग लिखित असहमति राखेका हुन् ।

माओवादी सांसदहरुले राष्ट्रिय सहमति कायम नभई टेबल गर्न नहुने पनि अडान राखेका छन् । सभामुख अग्निप्रसाद सापकोटासँग माओवादी सांसदहरुले राखेको लिखित अहसहमतिमा राष्ट्रिय सहमति कायम नभएको, संशोधन र परिमार्जनको कुनै सुनिश्चितता पनि नभएको र संसद अवरुद्ध नै रहेकोले एमसीसी संसदमा टेबल गर्न नसकिने जिकिर छ ।

माओवादी सांसदहरुले राष्ट्रिय सहमति नगरी अगाडि बढाउन नहुने बताएका छन् ।

यसअघि बालुवाटार बैठकमा माओवादी अध्यक्ष पुष्पकमल दाहाल ‘प्रचण्ड’ले भने एमसीसी टेबल गर्ने विषयमा सहमति जनाएका थिए । तर, बालुवाटार बैठकमा सहमति भएको भएपनि सभामुखसँग भएको कार्यव्यवस्था परामर्श समितिको बैठकमा माओवादी केन्द्रले लिखित रुपमै असहमति राखेको हो ।

यस्तो छ माओवादी सांसदहरुले राखेको लिखित असहमति