हामी सबैकाे संसारन्यूज

काठमाडौं । प्रमुख प्रतिपक्षी दल नेकपा (एमाले)को अवरोध र सत्तारुढ दलहरुकै विरोधका बीच सरकारले विवादास्पद एमसीसी सम्झौतालाई प्रतिनिधिसभामा टेबल गरेको छ । अर्थमन्त्रीको तर्फबाट सञ्चारमन्त्री ज्ञानेन्द्रबहादुर कार्कीले एमसीसी टेबल गरेका हुन् ।

सञ्चारमन्त्री कार्कीले एमसीसी टेबल गर्दै गर्दा प्रमुख प्रतिपक्षी एमालेले मात्रै नाराबाजी गरेको थिएन सत्तारुढ दल माओवादी केन्द्र, एकीकृत समाजवादी र राष्ट्रिय जनमोर्चाका सांसदहरु विरोधमा उत्रिएका थिए ।

एमसीसी सम्झौतामा अर्थमन्त्रीका रूपमा २०७४ भाद्र २९ गते मन्त्री कार्की स्वंयले हस्ताक्षर गरेका थिए । उक्त सम्झौतालाई केपी शर्मा ओली नेतृत्वको सरकारका अर्थमन्त्री युवराज खतिवडाले अनुमोदनका लागि संसद्‌मा पठाएका थिए । प्रतिनिधिसभाको विधेयक शाखामा दर्ता भएको १ हजार ६८२ दिनपछि आइतबार बैठकमा प्रस्तुत भएको हो ।