Sansar News
काठमाडौं । बहुचर्चित अमेरिकी सहयोग परियोजना अन्ततः सडक र सदनमा विरोधका बाबजुद संसदमा टेबुल भएको छ ।
सरकारका प्रवक्ता तथा संचारमन्त्री कार्कीले आजको संसद बैठकमा अर्थमन्त्री जर्नादन शर्माका तर्फबाट एमसीसी अनुमोदनका लागि टेवुल गरेका छन् ।
मन्त्री कार्कीले एमसीसी परियोजनाले नेपाल सरकारलाई ४०० केभी क्षमताको विद्युत् प्रसारण लाइन निर्माण र देशका विभिन्न स्थानमा सडकहरुको मर्मत सम्भारका लागि अमेरिकी डलर ५०० मिलियन सहायताको रुपमा उपब्ध गराउने बताए ।
सम्झौतामा गरिएको अध्ययन अनुसार विद्युत् प्रसारण लाइनबाट २ करोड ३० लाख तथा सडक मर्मत कार्यबाट १० लाख जनताले प्रत्यक्ष लाभ लिने प्रारम्भिक अनुमान गरिएको तथा यस परियोजनाबाट ५० लाख घरधुरी लाभान्वित हुने समेत मन्त्री कार्कीले बताए ।
वि.सं.२०७८ फागुन ८ आइतवार १६:५२ मा प्रकाशित
