हामी सबैकाे संसारन्यूज

काठमाडौं । नेकपा (माओवादी केन्द्र) का नेता तथा प्रवक्ता कृष्ण बहादुर महराले प्रतिनिधिसभामा एमसीसी सम्झौता ‘जर्बजस्ती’ पेश गरिएको भन्दै आपत्ति जनाएका छन् ।

नेता महराले सत्तारुढ गठबन्धनमा पार्टीका तर्फबाट स्पष्ट रुपमा संसदमा पेस नगर्न आग्रह गर्दा पनि सरकारले जबर्जस्ती एमसीसी सम्झौता अघि बढाउन खोजेपछि प्रतिनिधिसभा कार्यव्यवस्था समितिमा संसदीय दलको तर्फबाट लिखित असहमति जाहेर गरिएको समेत बताएका छन् ।

‘देशको स्वाधीनता र राष्ट्रियतामा नै प्रश्न उठ्न सक्ने गरी दलहरुबीच राष्ट्रिय सहमति नगरिकन र सत्तारुढ दलभित्रै एकरुपता नहुँदा नहुँदै जबर्जस्ती प्रतिनिधिसभामा पेस भएको घटनाप्रति हाम्रो गम्भीर आपत्ति छ ।’ नेता महराद्धारा आइतबार बेलुका जारी बिज्ञप्तिमा भनिएको छ ।

नेता महराले एमसीसी सम्झौता सडकमा पेश गरिनु हुन्न भनेर सडकमा आन्दोलनमा उत्रिएका विभिन्न दल सम्बद्ध नेता, कार्यकर्ता, स्वतन्त्र रुपमा आन्दोलनमा सहभागी नागरिकमाथि प्रहरी दमन र धरपकड भएको भन्दै त्यसको घोर भत्र्सना समेत गरेका छन् ।

‘सम्पूर्ण घाईते आन्दोलनकारीहरुको शिघ्र स्वास्थलाभको कामना गर्दै उनीहरुको उपचारको उचित प्रबन्ध तथा उपचार खर्च व्यहोर्न पनि सरकारसँग जोडदार माग गर्दछु ।’ नेता महराले भनेका छन् ।