हामी सबैकाे संसारन्यूज

काठमाडौं । कोका–कोला नेपालले नयाँँ कोका–कोला ‘जिरो सुगर’को स्वादमा बजारमा ल्याएको छ ।

आइकोनिक क्लासिक कोकको जस्तै स्वादमा नयाँँ कोका–कोला जिरोे सुगर आकर्षक र नयाँँ बोल्ड प्याकेजिङमा ल्याएको कम्पनीले जानकारी दिएको छ ।

अब नेपाली उपभोक्ताले ‘नो क्यालोरी र जिरोे सुगर’ कोका–कोला प्रयोग गर्नसक्ने कम्पनीले जनाएको छ ।
कम्पनीले भनेको छ, ‘नो सुगर पेयपदार्थ रुचाउने तर क्यालोरी नियन्त्रण गर्न चाहनेहरूका लागि यो उपयुक्त हुन्छ ।’

व्यापक बजार परीक्षण र इन–हाउस इनोभेसनमार्फत बजारमा ल्याइएको कोका–कोला जिरोे सुगर अझै सानदार प्याकेजिङ र उत्कृष्ट स्वादको साथमा आएको कम्पनीको दावी छ । सन् २००५ मा विश्वव्यापी रुपमा लन्च गरिएको कोका–कोला जिरोे सुगरलाई कोका–कोला क्लासिकको जस्तै स्वाद दिनका लागि सन् २०१७ मा रिफर्मुलेट गरिएको र नेपालमा यो २०१६ नोभेम्बरमा पहिलोपल्ट लन्च भएको कम्पनीले जनाएको छ ।

कोका–कोलाका नेपाल कन्ट्री डाइरेक्टर आदर्श अवस्थीले भने– ‘नयाँँ स्वाद र नयाँ प्याकेजिङसहितको कोका–कोला जिरोे सुगरलाई विश्वकै उपभोक्ताले मन पराउनुभएको छ । यसलाई नेपालमा पनि उपलब्ध गराउन पाउँदा खुसी छौँ ।’
बोटलर्स नेपाल लिमिटेडका प्रबन्ध निर्देशक प्रदीप पाण्डेले संसारभर अत्यन्त रुचाइएको कोका–कोला जिरोे सुगरलाई नेपाली उपभोक्ताले पनि मन पराउने विश्वास व्यक्त गरे । नयाँँ कोका–कोला जिरोे सुगर ५०० मिलि र २५० मिलिमा नेपालभर उपलब्ध रहेको कम्पनीले जनाएको छ ।