हामी सबैकाे संसारन्यूज

काठमाडौं । टाटा मोटर्सले काभ्रेको बनेपामा आफ्नो नयाँ शोरुम आउटलेट सञ्चालनमा ल्याएको छ ।

नेपालका लागि टाटा मोटर्सको एकमात्र आधिकारिक विक्रेता सिप्रदी ट्रेडिङ प्रालिले यही महिनादेखि सेवा पु¥याउने योजनासहित बनेपामा आफ्नो नयाँ शोरुम आउटलेट विस्तार गरेको हो ।

बनेपामा सञ्चालित नयाँ आउटलेटको बिक्रेताको रुपमा लक्ष्मी अटो रहेको छ जसका सञ्चालक सेवक बुढाथोकी हुन् । बनेपामा कम्पनीको यो पहिलो आउटलेट हो । यो सँगै नेपालभर टाटा मोटर्सको १९ वटा आउटलेट भएको जनाईको छ ।

अब बनेपामा रहेको आउटलेटबाट ग्राहक एवम् उपभोक्ताहरुले टाटा मोटर्सका साना गाडी सम्बन्धि परामर्श, खरिद तथा एक्स्चेंज सर्भिस जस्ता सुविधा लिन सक्नेछन् ।

उपभोक्ताहरुले यहाँबाट दक्ष प्राविधिकहरुमार्फत गुणस्तरीय सेवा प्राप्त गर्नुका साथै गाडीको जेन्युन पार्टपुर्जाहरु पनि सहजै पाउने कम्पनीको भनाइ छ ।

बनेपाको नयाँ आउटलेटबाट बनेपालगायत वरिपरिका उपभोक्ताहरु लाभान्वित हुनेमा कम्पनी विश्वस्त रहेको जनाइएको छ ।

यसभन्दा अघि टाटा मोटर्सले काठमाडौं, चितवन, नवलपुर, कास्की, रुपन्देही, सिराहा, धनुषा, पर्सा, सर्लाही, झापा, सुन्सरी, दाङ, कैलाली, बाँके, मोरङ र मकवानपुरको विभिन्न ठाउँमा आउटलेटको बिस्तार गरिसकेको पनि कम्पनीले जनाएको छ ।