Sansar News
काठमाडौं । अमेरिकी सहयोग परियोजना एमसीसी सम्झौताको विरोधमा बृहद जनप्रदर्शन हुँदैछ ।
फागुन ८ गते आइतवार अनुमोदनका लागि सदनमा पेश गरिएको एमसीसी सम्झौताको विरोधमा बृहद जनप्रदर्शन तथा सांस्कृतिकसभा आयोजना हुने भएको छ ।
एमसीसी खारेज संयुक्त अभियानका संयोजक अभियन्ता नारायण शर्माका अनुसार आज बिहान १२ बजे आयोजित उक्त जनप्रदर्शन न्यूरोड भुगोलपार्कबाट र्याली सुरु भई असन, इन्द्रचोक, हुँदै रत्नपार्कको शान्तिबाटिकमा आएर सभामा परिणत हुनेछ ।
त्यहाँ एमसीसीको विरोधमा बिभिन्न कविता, गीत, सडक नाटक लगायतका सांस्कृतिक कार्यक्रमहरु प्रस्तुत हुने पनि शर्माले जानकारी दिएका छन् ।
त्यसैगरी माओवादी केन्द्र निकट जनवर्गिय संगठनहरु तथा अन्य राजनीतिक दलका जनवर्गिय संगठनहरुले पनि एमसीसीको विरोधमा माइतीघर मण्डला लगायतका विभिन्न ठाउँमा प्रदर्शन गर्दैछन् ।
वि.सं.२०७८ फागुन ११ बुधवार ०९:५८ मा प्रकाशित
