हामी सबैकाे संसारन्यूज

काठमाडौ । प्रतिनिधिसभाको आजको बैठकका एमसीसी छलफलको प्रस्ताव पेश गर्ने अर्थमन्त्री जनार्दन शर्मा पर्वतको कुश्मामा बन्जिजम्प शयर गर्न व्यस्त रहेका छन् ।

एमसीसीमा त्यति रुचि नदेखाएका शर्माले यसअघि पनि टेवुल गनुुपर्ने बेला उपत्यका बाहिर भएको जानकारी दिएपछि संचारमन्त्री ज्ञानेन्द्र बहादुर कार्कीले सो प्रस्ताव पेश गरेका थिए ।

एमसीसीका विवादित र अनुत्तरित सवाललाई लिएर एमसीसी मुख्यालयमा पत्राचार गरेका शर्मा यसअघि पक्ष र विपक्षका दुवै कोणबाट चर्चाको पात्र बनाइएका थिए । नेकपा (माओवादी केन्द्र) को महासचिव दावी गर्दै आएका मन्त्री शर्मा पर्वत जिल्लाको कुश्मा बजारका पूलहरुको भ्रमण, बन्जीजम्पको आनन्द, कार्यालय प्रमुखहरुसँग भेटघाट, कार्यकर्ताहरुसँग अन्तरक्रिया गर्न बिहानैदेखि व्यस्त रहेका छन् ।

बुधवार साँझ कुश्मा पुगेका जर्नादन शर्मासँग माओवादीका नेताहरु दीनानाथ शर्मा, गुप्त शमाल, सुदीप कुँवरसँगै रहेको फोटो विहीवार बिहान सार्वजनिक गरिएको छ ।

मन्त्री शर्माको स्वकीय सचिवालयले जनाएअनुसार शर्माले एमसीसी प्रस्तावको छलफलमा उपस्थित हुने संभावना रहेको छैन ।