हामी सबैकाे संसारन्यूज

काठमाडौं । कांग्रेस र एमाले छलफल लगत्तै एमाले र माओवादी केन्द्रका नेताहरुबीच संसद भवनमा छलफल सुरु भएको छ ।

बैठकमा एमालेका अध्यक्ष केपी शर्मा ओलीसहित नेताहरु सुवासचन्द्र नेम्वाङ, ईश्वर पोखरेल र विष्णु पौडेल छन् । यता माओवादी केन्द्रको तर्फबाट पार्टी अध्यक्ष पुष्पकमल दाहाल ‘प्रचण्ड’सहित नेताहरु नारायणकाजी श्रेष्ठ, देव गुरुङ र शक्तिबहादुर बस्नेत सहभागी छन् ।

यसअघि सत्तारुढ नेपाली कांग्रेस र प्रमुख प्रतिपक्षी एमालेबीच सामूहिक र प्रधानमन्त्री शेरबहादुर देउवा र अध्यक्ष ओलीबीच ‘वान टु वान’ वार्ता पनि भएको थियो । एमाले र कांग्रेसबीच पुनः साँझ निर्णायक छलफल गर्ने निर्णय भए लगत्तै माओवादीका नेताहरु छलफलका लागि पुगेका हुन् ।