हामी सबैकाे संसारन्यूज

काठमाडौं । नेकपा (माओवादी केन्द्र) को सुदूरपश्चिम प्रदेशको अध्यक्षमा हरिराम चौधरी ‘उत्सव’ (कैलाली) निर्वाचित भएका छन् ।

मतदान प्रक्रियामार्फत् भएको नेतृत्व चयनका क्रममा चौधरीले अर्का प्रतिस्पर्धी मानबहादुर धामीलाई पछि पार्दै ११४ मत ल्याएर विजयी भएका हुन् । कुल खसेको २१० मत मध्ये चौधरीले ११४ र धामीले ९३ मत प्राप्त गरेका थिए ।

गत मंसिरमा धनगढीमा सम्पन्न सुदूरपश्चिम प्रदेश सम्मेलनले चयन गरेको प्रदेश कमिटीका २२३ सदस्यहरुले सोमबार मतदान प्रक्रियामार्फत् नेतृत्वको टुंगो लगाएको हो ।

त्यस्तै अन्य पदाधिकारीहरुमा उपाध्यक्षहरुमा अक्कल रावल अछाम,मान सिंह माल डडेल्धुरा, रण ब कुंवर बैतडी, सचिवमा जनक बुढा बझाङ, सहसचिवहरुमा नन्द ब साउद राजेन्द्र कैलाली, राम ब देवकर कंचनपुर, अन्जिता श्रेष्ठ डोटी, र कोषाध्यक्षमा कमल कुमारी शाह (शाही) बाजुरा निर्वाचित भएका छन् ।