हामी सबैकाे संसारन्यूज

सिन्धुपाल्चोक । जेसिबी दुर्घटना हुँदा एकजनाको घटनास्थलमै मृत्यु भएको छ । सिन्धुपाल्चोक जिल्लाको चौतारा साँगाचोकगढी नगरपालिका-१२को खहरेस्थित केराबारीमा जेसिबी दुर्घटना हुँदा जेसिबीका सहचालक महोत्तरी बर्दिबास नपा-६का रोहित आलेमगरको मृत्यु भएको हो ।

निर्माणाधीन मध्यपहाडी लोकमार्गमा काम गर्ने क्रममा शुक्रबार बिहान बा२क ६६१८ नं.को जेसिबी माटो भासिन गई सडकबाट अन्दाजी १०० मिटर तल खसेको जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतले जानकारी दिए । जेसिबीका चालक बाँके राप्तीसोनारी गाउँपालिका-४का प्रकाश चौधरी भने सकुशल रहेका छन् । चालक प्रहरीको नियन्त्रणमा रहेको र घटनाका सम्बन्धमा थप अनुसन्धान भइरहेको उनको भनाई थियो ।