हामी सबैकाे संसारन्यूज

काठमाडौं । नेकपा (माओवादी केन्द्र) को केन्द्रीय समितिको बैठक बस्दैछ ।

शुक्रवारदेखि सुरु भएको केन्द्रीय समितिको बैठक शनिवार शिर्षनेताहरुको छलफलका लागि भन्दै स्थगित गरिएको थियो ।

केन्द्रीय कार्यालयका श्रीराम ढकालका अनुसार बत्तिस पुतलीको अनुपम फुडल्याण्डमा ११ बजे बस्न लागेको उक्त बैठकले केन्द्रीय कमिटीलाई पूर्णता दिने, स्थानीयतहको निर्वाचनको तयारी लगायतका विभिन्न विषययमा छलपल गर्ने छ ।

गत पुष ११ देखि १८ गतेसम्म चलेको माओवादी केन्द्रको आठौं राष्ट्रिय महाधिबेशनले २४७ केन्द्रीय कमिटी चयन गर्दै सम्पन्न भएको थियो । सोहि केन्द्रीय समितिको शुक्रवारदेखि सुरु भएको बैठकले पार्टीको वरिष्ठ उपाध्यक्ष, ६ उपाध्यक्ष, एक महासचिव, दुई उपमहासचिव, तीन सचिव र एक कोषाध्यक्ष चयन गर्ने बताइएको छ । समथै विधान अनुसार ६३ जना केन्द्रीय सदस्यहरु समेत मनोनित हुने बताइएको छ ।

शु्क्रवारको बैठकमा पार्टी प्रवक्ता कृष्णबहादुर महरासहित चार नेताले एमसीसीको विषयमा लिखित असहमति प्रस्तुत गरेका थिए । प्रवक्ता महरासहित नेताहरु देव गुरुङ्ग, गिरिराजमणि पोखरेल र लिलामणि पोखरेलले लिखित असहमति जनाएका हुन् । नेताहरु एमसीसी राष्ट्रघाती भएको बताएक थिए ।

बैठकमा राखिएको लिखित अहसमतिबारे बोल्दै नेता देव गुरुङले भने, “एमसीसी रिजेक्ट हुनु पर्ने हो। यो राष्ट्रघाती सम्झौता नै हो। तर, व्याख्यात्मक घोषणा भन्दै गलत रुपमा पारित गरियो ।” उनले व्याख्यात्मक घोषणाको कानूनी अर्थ नरहेको बताए । नेताहरुले आफ्नो मत दर्ज गर्ने तर, पार्टीको निर्णय भने स्वीकार गरेर जाने बताएका छन् ।

बैठकमा नेता नारायणकाजी श्रेष्ठले एमसीसी पारित गरिनु गलत भएको भन्दै विरोध जनाएका थिए । उनले पार्टी अध्यक्ष पुष्पकमल दाहाल ‘प्रचण्ड’को कार्यशैलीप्रति पनि विमती जनाएका थिए ।