Sansar News
काठमाडौं । निर्वाचन आयोगले स्थानीयतहको निर्वाचनको विषयमा छलफलका लागि दलहरुसँगको बैठक डाकेको छ ।
आयोगको कार्यालय कान्तिपथमा आज बिहान ११ः३० मा हुने उक्त छलफलका लागि १७ राजनीतिक दलका प्रतिनिधिहरुलाई बोलाइएको छ ।
छलफलका क्रममा निर्वाचनको तयारी तथा दलहरुको अपेक्षा लगायतका विषयमा छलफल र राय सुझाव लिने बताइएको छ ।
आगामी बैशाख ३० देखि सुरुहुने स्थानीयतहको निर्वाचनमा भागलिनका लागि ८० दलले आयोगमा दर्ताका लागि निवेदन दिएका छन् । ती राजनीतिक दलको निवेदनका सम्बन्धमा जाँचबुझ अन्तिम चरणमा पुगेकोले केही दिनमै यससम्बन्धी निर्णय हुने बताइएको छ ।
त्यसैगरी आयोगले हाल मतदाता नामावली अद्यावधिक (दाबी विरोध) कार्यक्रम २०७८ अन्तर्गतका कार्यक्रमहरु संचालन भइरहेको जनाएको छ ।
वि.सं.२०७८ फागुन २७ शुक्रवार ०८:३९ मा प्रकाशित
