हामी सबैकाे संसारन्यूज

काठमाडौं । पौडी खेल्ने क्रममा डुबेर २१ वर्षीय एक युवाको मृत्यु भएको छ ।

इलाका प्रहरी कार्यालय हुवासका अनुसार पैयूँ गाउँपालिका वडा नम्बर ४ मा रहेको सेतिखोलामा पौडी खेल्न गएका महाशिला गाउँपालिकाका २१ वर्षिय सुनिल नेपालीको डुबेर मृत्यु भएको हो ।

नेपालीसँगै पौडी खेल्न गएका २१ वर्षीय युवराज नेपाली समेत घाईते भएका छन् ।

महाशिला गाउँपालिका बालकोटका उनीहरु भलिबल खेल्न पैयूँ पुगेका बेला पौडी खेल्ने क्रममा तैरिन नजान्दा दुर्घटना भएको हुन सक्ने प्रहरीले जनाएको छ ।

दुर्घटना हुनासाथ दुवैलाई वालिङस्थित गह्रौ प्राथमिक अस्पतालमा लगिए पनि सुनिललाई चिकित्सकले मृत घोषणा गरेको इलाका प्रहरी कार्यालय हुवासका प्रमुख प्रहरी निरीक्षक लाल बहादुर बिकले जानकारी दिए । घाईते युवराजलाई थप उपचारका लागि पोखरा रेफर गरिएको बताइएको छ ।

सांकेतिक फोटो