हामी सबैकाे संसारन्यूज

काठमाडौं । यूक्रेनसँगको युद्ध लम्बिदों छ । युद्धमा रुसले निकै ठूलो जनधनको क्षति पनि व्यहोरिरहेको छ । अमेरिकासहित पश्चिमा मुलुकको सहभागिता भएसँगै युद्ध थप जटिल बनिरहेको छ ।

यसबीच रुसी राष्ट्रपति भ्लादिमिर पुटिनले आणविक युद्ध अभ्यासमा जुट्न आफ्ना सैनिकहरुलाई आदेश दिएका छन् । अन्तराष्ट्रिय सञ्चार माध्यमका अनुसार शनिबार पुटिनले यस्तो आदेश दिएका हुन् । पुटिनको आदेशसँगै विश्व आणविक युद्धतर्फ अघि बढ्ने संकेत देखिएको छ ।

पुटिनले आणविक युद्ध अभ्यासमा जुट्न सैनिकलाई आदेश दिएसँगै आफ्नो परिवारलाई पनि मस्कोबाट बाहिर निकालेका छन् । रुसको राष्ट्रपति कार्यालयलाई उद्र्धत गर्दै रोयटर्सले बताएअनुसार उनले परिवारलाई साइबेरिया पठाएका हुन् ।

सञ्चार माध्यमले उल्लेख गरेअनुसार पुटिनले आफ्नो परिवारका सदस्यहित नजिकका नातेदारलाई पनि साइबेरिया पुर्‍याएका छन् । बताइएअनुसार उनीहरुलाई साइबेरियाको तेह अल्ताई पर्वतमा रहेको उच्च प्रविधिको भूमिगत बंकरमा स्थानान्तरण गरिएको छ । तेह अल्ताई सम्पूर्णं भूमिगत सहर हो ।