हामी सबैकाे संसारन्यूज

मोरङ । मोरङको लेटाङ नगरपालिकामा अनिश्चितकालिन कफ्र्यु लगाइएको छ ।

फाुगन ४ गते होली खेल्ने क्रममा शिक्षकबाट छात्रामाथि दुव्र्यवहार गरिएपछि बढेको विवादमा झडप हुँदा एक महिला प्रहरीको ज्यान समेत गएपछि स्थिति नियन्त्रणमा लिन त्यहाँ अनिश्चितकालिन कफ्र्यु लगाइएको हो ।

लेटाङ ५ को खेरुवामा रहेको शिक्षा विकास माविका ५६ वर्षीय शिक्षक मनोज पौडेलले कक्षा ६ मा अध्ययनरत छात्रालाई दुव्र्यवहार गरेको घटना सार्वजनिक भएसँगै त्यहाँ तनाव बढेको थियो ।

विद्यार्थीहरुले शिक्षकलाई बन्धक समेत बनाएर राखेको अवस्थामा सहमतिको बातावरण बनाउने प्रयास भइरहेका बेला बिद्यार्थी, अभिभावक तथा स्थानीयको भिडले वातावरण असहज बनेपछि सोमबार बिहान ७ बजेबाट अर्को सूचना जारी नभएसम्मका लागि कफ्र्यु लगाइएको जिल्ला प्रशासन कार्यालय मोरङका प्रमुख जिल्ला अधिकारी काशिराज दाहालले जनाएका छन् ।

स्थिति नियन्त्रणभन्दा बाहिर गएपछि प्रहरी बोलाइएको थियो । प्रहरी र विद्यार्थीबीच भएको झडपमा आक्रोशित विद्यार्थीहरुले आक्रमण गर्ने क्रममा एक महिला प्रहरी उर्मिला श्रेष्ठको मृत्यु भएका प्रहरीले जनाएको छ ।

स्थानीयले विद्यालयमा आगजनी समेत गरेपछि प्रहरीले हवाई फायर समेत गरेको थियो । उक्त झडपमा प्रहरी उपरीक्षकसहित १० भन्दा बढी प्रहरी र स्थानीय घाईते भएको बताइएको छ ।