हामी सबैकाे संसारन्यूज

काठमाडौं । रुस–युक्रेन युद्धको बीचमा रुसी राष्ट्रपति पुटिनकी गोप्य प्रेमिकाको बारेमा अनौठो पार्ने खबर बाहिर आएको छ । पुटिनकी प्रेमिका र पूर्व जिमनास्ट एलिना काबाएवा स्विट्जरल्याण्डमा लुकेको दाबी गरिएको छ। रसिया, युक्रेन र बेलारुसका मानिसहरूले एलिनालाई स्विट्जरल्याण्डबाट निष्कासनको माग गर्दै अनलाइनमार्फत निवेदन सुरु गरेका छन्।

दाबी गरिएअनुसार, एलिना आफ्ना तीन बच्चाहरुसँग एक विलासी भिल्लामा छिन् । उनलाई स्वीसबाट निष्कासन गर्न माग गर्दै अहिलेसम्म ५० हजारभन्दा बढीले निवेदन गरेका छन् ।

एलिना ३८ वर्षकी भइन् र उनी ओलम्पिक स्वर्ण पदक विजेता हुन् । एलिना रुसमा सबैभन्दा लचिलो महिलाको रूपमा चिनिन्छिन्। उनी पुटिनको युनाइटेड रसिया पार्टीबाट पनि सांसद थिइन् ।

अन्तिम पटक डिसेम्बर २०२१ मा देखियो

निवेदनमा भनिएको छ कि युद्धको बावजुद स्विट्जरल्याण्डले पुटिन सरकारलाई सहयोग गरिरहेको छ । युक्रेनमा युद्ध भइरहेका बेला एलिनालाई स्विजरल्याण्ड पठाइएको खबर आएपछि यो निवेदन आएको हो । एलिना ७ वर्षभन्दा बढी समयदेखि रुसी सरकार समर्थित नेशनल मिडिया ग्रुपको बोर्ड अफ डाइरेक्टर्सको अध्यक्ष पनि थिइन् । डेली मेलका अनुसार उनले हरेक वर्ष करिब ८ मिलियन युरो तलब पनि पाइरहेका छन् ।

एलिना सार्वजनिक स्थलमा कमै देखिने गर्छिन् । उनी अन्तिम पटक डिसेम्बर २०२१ मा मस्कोमा भएको डिभाइन ग्रेस रिदमिक जिम्न्यास्टिक प्रतियोगितामा नाच्दै थिइन्। उनले २००४ ओलम्पिकमा रिदमिक जिमनास्टमा स्वर्ण पदक जितिन्। द गार्डियन जस्ता धेरै पत्रिकाले एलिना पुटिनकी प्रेमिका भएको दाबी गरेका छन् । तर, पुटिनले यो कुरा सार्वजनिक रूपमा स्वीकार गरेका छैनन् ।

एलिनासँग निकटताको चर्चा

पुटिन र छोराछोरीसँग एलिनाको निकटताका समाचारहरू अक्सर मिडियामा आउँछन्। एलिना एक रूसी राजनीतिज्ञ, मिडिया प्रबन्धक र सेवानिवृत्त रिदमिक जिमनास्ट हुन्। एलिना आफ्नो समयको सबैभन्दा सफल जिमनास्ट मध्ये एक मानिन्छिन्। उनले आफ्नो करियरमा २ ओलम्पिक पदक, १४ विश्व च्याम्पियनसिप र २१ युरोपियन च्याम्पियनसिप पदक जितेका थिइन् ।

१८ वर्षीया एलिजाबेथ पुटिनकी गोप्य छोरी

पुटिनको धेरै महिलासँग सम्बन्ध रहेको खबर चर्चा छ । जसमध्ये स्वर्ण पदक जिम्नास्ट एलिना काबेबाको नाम पहिलो नम्बरमा आउँछ । अफवाह छ कि पुटिनको उनकी प्रेमिका एलिना काबाएवासँग तेस्रो छोरी पनि छ। यसको आधिकारिक पुष्टि भने भएको छैन । रुसी सञ्चारमाध्यमले १८ वर्षीया एलिजाबेथ क्रिभोनोगिखलाई पुटिनकी गोप्य छोरीको रूपमा वर्णन गरेको छ।

पुटिनकी गोप्य छोरीका सम्बन्धमा बेलायतको ब्राडफोर्ड विश्वविद्यालयको भिजुअल कम्प्युटिङ सेन्टरका निर्देशक प्रा.हसन उगेलले पुटिन र उनकी कथित छोरीको अनुहार यति मिल्दोजुल्दो रहेको बताएका थिए । दुई बाबु छोरी हुन् भनेर कसैले पनि नकार्न नसक्ने उनको भनाई छ । एजेन्सीबाट