हामी सबैकाे संसारन्यूज

९ चैत, काठमाडौँ । साताको चौथो दिन बुधबार सेयर बजार (नेप्से) २० दशमलब ३४ अकंले घटेर २६३० दशमलब ३६ विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ४ दशमलब २२ अकंले घटेर ४९५ दशमलब ११ विन्दुमा पुगेको छ ।

आज कुल सूचिकृतमध्ये २२६ कम्पनीको २ अर्ब ४ करोड ६३ लाख ५२ हजार ५४७ रुपैंया बराबरको ३९ लाख ८५ हजार ५७४ कित्ता सेयर किनबेच भएको छ । तिनको कारोबारमा २९ हजार ६७८ पटक लेनदेन भएको हो ।

कारोबार रकमको आधारमा एनआईसी एशिया बैंक, जिवन विकास लघुवित्त, अरुण भ्याली हाईड्रोपावर, नेपाल टेलिकम, अपी पावर लगायतका कम्पनीहरु शिर्ष स्थानमा रहे भने कारोबार संख्याको आधारमा अरुण भ्याली हाईड्रोपावर, अपी पावर, नेपाल इन्फ्रास्ट्रक्चर बैंक, एनआईसी एशिया बैंक, प्रभु बैंक लगायतका कम्पनीहरु शिर्ष स्थानमा रहे ।

आज नेप्सेमा दोहोरो अकंको गिरावट आउदाँ पनि २ कम्पनीको सेयर मुल्यमा भने सकारात्मक सर्किट लागेको छ । आज राष्ट्र उत्थान लघुवित्त र इमर्जिङ्ग नेपालको सेयर मूल्यमा सकारात्मक सर्किट लागेको हो ।