हामी सबैकाे संसारन्यूज

काठमाडौं । युवा पुस्तामा लोकप्रिय गायक धुब्र बिस्कोको नयाँ गीत सार्वजनिक भएको छ । ‘पियारी’ बोलको यस गित केहि समय अघि मात्र बजारमा सार्वजनिक गरिएको हो । बजारमा थुप्रै हिट गित दिन सफल गायक बिस्कोको यस गीतले पनि दर्शक श्रोताको मन जित्ने अपेक्षा गरिएको छ ।

नेपाली समाजको वास्तविकतालाई प्रस्तुत गरिएको गीतको भिडियोले जो कोहीको पनि ध्यान केन्द्रित गर्दछ । नेपालमा बेरोजगारको समस्याको कारणले बाध्यताले विदेशीनुको पिडालाई गितमार्फत देखाउन खोजिएको छ ।

गीतको भिडियोमा नायीका सुरबीना कार्कीसँगै रमेशचन्द शोडारीको पनि अभिनय देख्न सकिन्छ । उनीहरुको अभिनयले पनि गितको भिडियोमा अझ श्रृङगार थप्ने काम गरेको छ ।

गायक बिस्को पछिल्लो एक दशक यता सक्रिय एवं लोकप्रिय गायक हुन् । बजारमा आएका काग दाजै, टपरीमा भात, राइफलको सिरानी, व्युटि पार्लर, सिल्की कपाल लगायतका उनका थुप्रै गितहरु हिट नंम्बर मानिन्छन् ।

भर्खरै बजारमा आएको उनको पछिल्लो गित “पियारी” गायक बिस्कोले अपेक्षा गरेको गित समेत हो । गितमा लय, शव्द तथा स्वर गायक बिस्कोकै रहेको छ । महिला आवाजमा उनलाई गायिका सहिमा श्रेष्ठले साथ दिएकी छन् ।

‘पियारी’ गीतको भिडियोलाई सविर श्रेष्ठले निर्देशन गरेका हुन् । ईश्वर सिन्केमनाको छायाँकन गरेको भिडियोलाई भुपेन्द्र अधिकारीले सम्पादन गरेका हुन् । कलर रेनिश फागोको छ भने गितलाई दिया प्रोडक्सन युटुब च्यानल मार्फत हेर्न सकिन्छ ।