Sansar News
काठमाडौं । पार्टीभित्रको विवादले दुई पक्षबीच झडपको स्थिति नै निम्तिएपछि विवेकशील साझा पार्टीको बखुन्डोलस्थित केन्द्रीय कार्यालय अनिश्चितकालका लागि बन्द गरिएको छ ।
अध्यक्ष रवीन्द्र मिश्र पक्ष र संगठन विभाग प्रमुख निर्देश शिलवाल पक्षबीच पार्टी कार्यालयमा सुरु भएको विवादले झण्डै झडपको रूप लिएपछि पार्टी कार्यालयमा ताला लगाइएको हो ।
विवेकशील साझाका प्रवक्ता शरदराज पाठकले विवाद साम्य नहुन्जेलसम्मका लागि पार्टी कार्यालय बन्द गरिएको जानकारी दिए ।
झडपको स्थिति निम्तेपछि प्रहरीले दुवै पक्षलाई कार्यालयबाट बाहिर निकालेको थियो ।
वि.सं.२०७८ चैत १५ मंगलवार १७:१० मा प्रकाशित
