हामी सबैकाे संसारन्यूज

२० चैत, काठमाडौँ । पाकिस्तान र अष्ट्रेलिया बिचको ३ खेलको एकदिवसीय श्रृखला पाकिस्तानले २-१ ले आफ्नो नाममा गरेको छ । पाकिस्तानले तेस्रो तथा अन्तिम एकविसीयमा अष्ट्रेलियालाई ९ विकेटले पराजित गर्दै एकदिवसीय श्रृखला आफ्नो नाममा गरेको हो ।

तेस्रो एकदिवसीयमा टस हारेर पहिले ब्याटिङ्ग गरेको अष्ट्रेलियाको टिम ४१.५ ओभरमा २१० रन बनाएर अलआउट हुन पुगेका थियो । अष्ट्रेलियाका लागि ब्याटिङ्गमा एलेक्स केयरीले सर्वाधिक ५६ रनको पारी खेलेका थिए भने पाकिस्तानका लागि बलिङ्गमा ह्यारीस रैफले सर्वाधिक ३ विकेट हात पारेका थिए ।

अष्ट्रेलियाले दिएको २११ रनका सामान्य लक्ष्य पाकिस्तानले ३७.५ ओभरमा १ विकेट गुमाएर पुरा गर्यो । पाकिस्तानका लागि कप्तान बाबर आजमले सतकीय पारी खेलेका थिए । उनी ११५ बलमा १०५ रन बनाएर नटआउट रहेका थिए । त्यसैगरी इमाम(उल(हकले पने ८९ रनको योगदान दिएका थिए । अष्ट्रेलियाका लागि बलिङ्गमा नाथन एलेसले लिएका थिए ।