हामी सबैकाे संसारन्यूज

१४ चैत, काठमाडौँ । साताको पहिलो दिन आइतबार सेयर बजार (नेप्से) ३० दशमलब ८९ अकंले घटेर २५१३ दशमलब ४१ विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ६ दशमलब ४४ अकंले घटेर ४६९ दशमलब ०३ विन्दुमा पुगेको छ ।

आज कुल सूचिकृतमध्ये २२५ कम्पनीको १ अर्ब ४६ करोड ७ लाख ७३ हजार ७२९ रुपैंया बराबरको ३२ लाख ५३ हजार ८१६ कित्ता सेयर किनबेच भएको छ । तिनको कारोबारमा २८ हजार १ सय १३ पटक लेनदेन भएको हो ।

कारोबार रकमको आधारमा सूर्या लाइफ इन्स्योरेन्स, सिद्धार्थ इन्स्योरेन्स, नबिल बैंक, नेपाल लाइफ इन्स्योरेन्स, लाइफ इन्स्योरेन्स कर्पोरेशन लगायतका कम्पनीहरु शिर्ष स्थानमा रहे भने कारोबार संख्याको आधारमा सूर्या लाइफ इन्स्योरेन्स, नेपाल इन्फ्रस्ट्रक्चर बैंक, एचआईडिसिएल, अरुण भ्याली हाईड्रोपावर लगायतका कम्पनीहरु शिर्ष स्थानमा रहे ।

आज सबै भन्दा धेरै कमाउनेमा राष्ट्र उत्थान लघुवित्त, इमर्जिङ्ग नेपाल, नेस्डो लघुवित्त, जाल्पा सामुदायिक लघुवित्त लगायतका कम्पनीका लगानीकर्ताहरु परेका छन ।