हामी सबैकाे संसारन्यूज

२२ चैत, काठमाडौँ । २०२२ को आईपिएलमा सनराइजर्स हैदरावाद लगातार दुई खेलमा पराजित भएको छ । हैदरावाद आफ्नो दोस्रो खेलमा लखनऊ सुपर जायन्ट्ससँग १२ रनले पराजित भएको हो ।

टस हारेर पहिले ब्याटिङ्ग गरेको लखनऊले २० ओभरमा ७ विकेट गुमाएर १६९ रन बनाएको थियो । लखनऊका लागि कप्तान केएल राहुलले सर्वाधिक ६८ रन बनाएका थिए । त्यसैगरी दिपक हुड्डाले पनि ५१ रनको अर्धसतकीय पारी खेलेका थिए । हैदरावादका लागि बलिङ्ग तर्फ टि नटराजनले सर्वाधिक २ विकेट लिएका थिए ।

१६९ रनको लक्ष्य पछाएको हैदरावादले २० ओभरमा ९ विकेट गुमाएर १५७ रनमात्र बनाउन सक्यो । हैदरावादका लागि राहुल त्रिपाठीले सर्वाधिक ४४ रनको पारी खेलेका थिए । लखनऊका लागि बलिङ्ग तर्फ आवेश खानले ४ ओभरमा २४ रन खर्चेर सर्वाधिक ४ विकेट हात पारेका थिए ।

जितसँगै लखनऊ सुपर जायन्ट्स ३ खेलबाट ४ अकं जोड्दैँ अकं तालिकाको पाँचौँ स्थानमा उक्लिएको छ ।