हामी सबैकाे संसारन्यूज

विराटनगर । नेपाली कांग्रेसका नेता डा. शेखर कोइरालाले तत्काल उम्मेदवार छनोट रोक्न गरेको परिपत्रको विषयमा आफूलाई थाहा नभएको बताएका छन् ।बुधबार विराटनगर विमानस्थलमा कुराकानी गर्दै उनले उम्मेदवार छनोट के कारणले रोक्न भनियो भन्ने विषयमा आफू जानकारी नभएको बताए ।

उनले स्थानीय आवश्यकताका आधारमा चुनावी गठबन्धन गर्नेसमेत बताए । तर, केन्द्रबाटै जबरजस्ती तालमेल गर्न खोजिए विद्रोह हुने उनको चेतावनी छ ।

“स्थानीय आवश्यकताका आधारमा चुनावी तालमेल गर्ने केन्द्रीय समितिले निर्णय गरेको छ”, उनले भनेका छन्, “केन्द्रबाटै गर्न खोजे विद्रोह हुन्छ ।”

उनले केन्द्रले गठबन्धन गर्दा हस्तक्षेप गरे सत्ता गठबन्धन पनि अप्ठ्यारोमा पर्ने समेत बताए ।

उनले भागबण्डाको राजनीति नगर्ने बताए । सभापतिले न्यायोचित ढंगले सबैलाई समेट्नुहुन्छ भन्नेमा आफू विश्वस्त रहेको समेत उनले बताए ।

कोइरालाले नेता रामचन्द्र पौडेलको संयोजकत्वमा बनाइएको संयन्त्र भने ठिक भएको बताएका छन् ।