हामी सबैकाे संसारन्यूज

काठमाडौँ । राप्रपा नेपालका अध्यक्ष कमल थापाका छोरा अभिषेक थापाले राप्रपा केन्द्रीय सदस्यबाट राजीनामा दिएका छन् ।

अभिषेकले बुधबार साधारण सदस्यसमेत नरहने गरी राप्रपा सदस्यबाट राजीनामा दिएको घोषणा गरेका छन् । राजीनामा पत्र सार्वजनिक गर्दै थापाले पार्टीमा बढ्दै गएको विचलनका कारण राप्रपामा बसीरहन अप्ठ्यारो मशहुस भएका कारण आफूले राजीनामा दिएको पत्रमा उल्लेख गरेका छन् । उनी गत मंसिरमा सम्पन्न महाधिवेशनबाट राप्रपा केन्द्रीय सदस्यमा निर्वाचित भएका थिए ।

छोरा अभिषेकको राजीनामा पत्र सामाजिक सञ्जालमार्फत शेयर गर्दै कमल थापाले राप्रपा नेपालमा स्वागत गरेका छन् ।  “अन्याय, अपमान र आस्थाको विचलन सहनु कायरता हो। क्षणिक स्वार्थमा भुल्नु स्वधर्म होईन ।” सञ्नजालमार्फत उनले भनेका छन् “अभिषेकलाई लाई राष्ट्रवादी आन्दोलनको संवाहक राप्रपा नेपालमा हार्दिक स्वागत छ।”

अन्याय,अपमान र आस्थाको विचलन सहनु कायरता हो।क्षणिक स्वार्थमा भुल्नु स्वधर्म होईन।@abe_thapa लाई राष्ट्रवादी आन्दोलनको संवाहक राप्रपा नेपालमा हार्दिक स्वागत छ। https://t.co/VRDI8UfiyY

— Kamal Thapa (@KTnepal) April 6, 2022

कमल थापा राप्रपाबाट अलग भएपछि पुरानै राप्रपा नेपालको अध्यक्ष बनेका छन् ।