हामी सबैकाे संसारन्यूज

२४ चैत, काठमाडौँ । २०२२ को आईपिएलमा मुम्बई इन्डियन्स लगातार आफ्नो तेस्रो खेलमा पराजित भएको छ । मुम्बई आफ्नो तेस्रो खेलमा कोलकत्ता नाईट राइनडर्ससँग ५ विकेट पराजित भएको छ ।

टस हारेर पहिले ब्याटिङ्ग गरेको मुम्बईले २० ओभरमा ४ विकेट गुमाएर १६१ रन बनाएको थियो । मुम्बईका लागि ब्याटिङ्गमा सूर्या कुमार यादवले सर्वाधिक ५२ रन बनाएका थिए भने कोलकत्ताका लागि बलिङ्गमा प्याट कमिन्सले सर्वाधिक २ विकेट हात पारेका थिए ।

मुम्बईले दिएको १६२ रनको लक्ष्य कोलकत्ताले १६ ओभरमा ५ विकेट गुमाएर पुरा गर्यो । कोलकत्ताका लागि वेंकटेश अय्यरले ५० रनको अर्धसतकीय पारी खेलेका थिए । त्यसैगरी प्याट कमिन्सले १५ बलमा ५६ रनको विस्फोटक पारी खेल्दैँ टिमलाई जित दिलाएका थिए । त्यसक्रममा उनले ६ छक्का र ४ चौका प्रहार गरेका थिए । मुम्बईका लागि बलिङ्गमा ताईमल मिल्स र मुरुगन आश्विनले समान २/२ विकेट लिएका थिए ।

जितसँगै कोलकत्ता नाईट राइडर्स ४ खेलबाट ६ अंक जोड्दैँ अकं तालिकाको शिर्ष स्थानमा उक्लिएको छ ।