Sansar News
पाल्पा । पाल्पामा पाँचदलीय गठबन्धनबीच स्थानीयतहको निर्वाचनमा तालमेल गर्ने निर्णय भएको छ ।
आगामी बैशाख ३० गते हुने स्थानीयतहको निकायको निर्वाचनमा तालमेल गरेर जाने विषयमा बुधबार बसेको गठबन्धनका जिल्ला नेताहरुको बैठकले उक्त निर्णय गरेको हो ।
बुधबार भएको उक्त छलफलमा नेपाली कांग्रेसका सभापति हिमालदत्त श्रेष्ठ, नेकपा (माओवादी केन्द्र) का संयोजक नेत्रप्रसाद पाण्डे, नेकपा (एकीकृत समाजवादी) का अध्यक्ष खिमानन्द पाण्डे, राष्ट्रिय जनमोर्चाका अध्यक्ष विशाल दर्लामी र जनता समाजवादीका मेयरमान रानासहित बसेको बैठकले जिल्लाका सबै स्थानीयतहमा तालमेल गरेर जाने निर्णय गरिएको हो ।
त्यसैगरी सोहि बैठकले गठबन्धन दलहरुबीच आवस्यक परामर्श, छलफल र संवादको लागि प्रत्येक दलबाट ३÷३ जना रहने गरी एक कार्यदल गठन गर्ने निर्णय समेत गरेको छ ।
वि.सं.२०७८ चैत २४ बिहीवार १०:३९ मा प्रकाशित
