हामी सबैकाे संसारन्यूज

काठमाडौं । अर्थमन्त्री जनार्दन शर्मालाई माओवादी निकट अखिल नेपाल राष्ट्रिय स्वतन्त्र विद्याथी युनियन (क्रान्तिकारी)ले १७ बुँदे सुझाव पेश गरेको छ । अर्थमन्त्री शर्मालाई अखिल क्रान्तिकारीले आर्थिक समृद्धि र विकासको मुल आधार शिक्षा हो भन्ने यथार्थतालाई सरकारले हृदयंगम गरि शिक्षामा कुल बजेटको २०% छुट्याइनुपर्ने लगायत १७ वटा सुझाव पेश गरेको हो ।

अखिल क्रान्तिकारीकी अध्यक्ष पञ्चा सिंहद्वारा हस्ताक्षर गरिएको उक्त सुझाव पत्रमा विद्यार्थीहरुले शैक्षिक प्रमाणपत्र धितोमा राखेर सहुलियतपुर्ण उद्यमशील कर्जाको व्यवस्था गर्नुपर्ने, पढ्दै कमाउँदै कार्यक्रमको कार्यान्वयन व्यापक गराउनुपर्ने र गरिव, मजदुर र विद्यार्थीलाई रासन कार्डको व्यवस्था गर्नुपर्ने लगायतको सुझाव दिइएको छ ।

अर्थमन्त्री शर्माले आर्थिक वर्ष २०८९/८०का लागि युवा तथा विद्यार्थीबाट सुझाव संकलन कार्यक्रम राखेका थिए ।